Naxçıvanlı kəndi Xocalı rayonunda, rayon mərkəzindən 7 km şərqdə, dağətəyi ərazidə yerləşir. Əhalisi 500 nəfər idi. Əhali əsasən üzümçülük heyvandarlıq və taxılçılıq ilə məşğul olurdu. Kənddə səkkizillik məktəb, kitabxana, tibb məntəqəsi və s. vardı. Kənd vaxtilə Xaçın məlikliyinin Çiləbird mahalının tərkibində olub. Naxçıvanlı kəndini vaxtilə Naxçıvandan köçüb gələn ailələr saldığı üçün kənd belə adlanmışdır. Kəndin adı sənədlərdə bəzən Naxçıvanik kimi də yazılır.         Kənd 1992-ci ildən 2020-ci ilə kimi Ermənistan Silahlı Qüvvələrinin işğalı altında olub. İkinci Qarabağ müharibəsinin nəticələrinə əsasən imzalanmış 10 Noyabr 2020-ci il tarixli üçtərəfli bəyanata uyğun olaraq Naxçıvanlı kəndi Rusiya Sülhməramlı qüvvələrinin nəzarətinə keçmişdir.Mənbə: "Müqəddəs yurd: Xocalı" kitabına istinad edilmişdir